Ferrari компанияси номида GT Modificata қўшимчаси бўлган 296 суперкарининг янги версиясини намойиш этди. Автомобил 296 GT3 Evo пойга модели асосида яратилган.
Двигател 730 от кучи ва 800 Н·м айланувчи лаҳзага эга модернизация қилинган 2,9 литрли V6 турбомоторидан иборат. Муҳандислар турбокомпрессорлар, тирсакли вал, шунингдек, машинанинг ҳаво тортиш тизими ва интеркулерларини такомиллаштирди. Шунингдек, спорткар паст босимли янги ёнилғи насосига эга бўлди. Шу билан бирга, Ferrari ҳозирча суперкарнинг аниқ хусусиятларини ошкор қилмаяпти.
Бундан ташқари, GT Modificata моделига янги аэродинамик пакет қўшилди. Унга қуйидагилар киради: ўзгартирилган олд сплиттер, йирик ҳаво ютгичлар ва катталаштирилган пластиналарга эга йирик антиқанот.
Суперкар салонида олти нуқтали хавфсизлик камарларига эга чўмичсимон ўриндиқлар ўрнатилди. Ҳайдовчи учун орқа кўриниш камераси, шиналардаги босим датчиклари, махсус V-Box ўлчов мажмуаси ва Bosch телеметрияси мавжуд.
Янги моделнинг нархи эълон қилинмаган. Ҳозирча фақат машина чекланган ададда ишлаб чиқарилиши маълум.
