Сурхондарёда ЙПХ ходимини автомашинада уриб кетишди

Сурхондарё вилоятининг Олтинсой туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 12 март куни  соат 18.10 ларда вилоят ИИБ ЙҲХБ ЙПХ катта инспектори, сержант Ш.Азизов Узумзор маҳалласи ҳудудида хизмат олиб бораётиб шу ерда ҳаракатланиб келаётган Узумзор маҳалласида яшовчи, 1976 йилда туғилган П.М. ишонч қоғозисиз бошқарувидаги «Тико» русумли автомашинасига тўхташ ишорасини берганида, ҳайдовчи П.М. ходимнинг қонуний талабларига бўйсунмай автомашинада уни уриб кетган.

Натижада сержант Ш.Азизов жароҳат олиб касалхонага ётқизилган. Кўрилган чоралар натижасида П.М. қўлга олинган.