«Россия овозини ўчириши керак» - Британия мудофаа вазири

Фото: Reuters

Буюк Британия мудофаа вазири Гэвин Уильямсон Москванинг Британиядан бўлган дипломатларни мамлакатдан чиқариб юбориш бўйича жавоб чоралари ҳақидаги ваъдасини изоҳлади ва унга «овозни ўчиришни» маслаҳат берди. Бу ҳақда Sky News хабар қилмоқда.

«Биз қиладиган нарса – Россия бизнинг хатти-ҳаракатларимизга қандай жавоб беришини кўриш. Россия Солсберида уюштирган ҳолат, бу шафқатсиз ва ярамас акт. Биз бунга жавоб қайтардик. Ростини айтсак, Россия четга чиқиши ва овозини ўчириши керак», - дея маълум қилди Уильямсон.

Эслатиб ўтамиз, аввалроқ РФ ТИВ раҳбари Сергей Лавров Россия ҳам британиялик дипломатларни чиқариб юбориши ҳақида айтиб ўтганди.