Мессида янги рекорд
«Барселона» ҳужумчиси Лионель Месси Испания чемпионатининг 29-турида «Атлетик»ка қарши кечган ва 2:0 ҳисобидаги ғалаба билан якунланган уй учрашувидаги голлардан бирини урди.
Бу гол аргентиналик ушбу ҳужумчи учун Примеранинг жорий мавсумидаги 25-гол бўлди. Шу тариқа, 30 ёшли футболчи Примеранинг қаторасига 9 мавсумида камида 25тадан гол урган биринчи футболчи бўлди.
Иккинчи кўрсаткич «Реал» ҳужумчиси Криштиану Роналдуга тегишли, у Испания чемпионатида қаторасига 8та мавсумда камида 25тадан гол урган. Шу билан бирга португалиялик футболчи Мессининг рекордини шу мавсумдаёқ такрорлаши мумкин. Ҳозирда Роналдуда жорий мавсумда урилган 22 гол мавжуд.
Бу борадаги учинчи натижа «Реал»нинг собиқ футболчиси Уго Санчесга тегишли, у Примеранинг қаторасига 4 мавсумида камида 25та гол урган.
Мавзуга оид
15:20 / 17.09.2024
Япониялик аёл дунёдаги энг кекса одам деб топилди
12:22 / 16.09.2024
«Арсенал» ва «Барса» дербиларда ғалаба қозонди, Италияда — тартибсизлик
12:38 / 30.08.2024
«Барса»дан жиддий старт. Флик чемпионлик учун курашишини баралла эълон қилди
18:54 / 09.08.2024