Фарғонада аёл кишини пичоқлаган эркак қўлга олинди

Иллюстратив фото/bun.com.ua

Фарғона вилоятининг Қува туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Маълум бўлишича, 26 март куни соат 18.20ларда, М.Ҳасанов кўчасида яшовчи, 1996 йилда туғилган Б.Б. маст ҳолда уйида ўзаро жанжал оқибатида таниши, 1992 йилда туғилган Ш.Н.нинг бош ва кўкрак қисмларига пичоқ билан уриб жароҳат етказган.

Натижада Ш.Н. касалхонага ётқизилган. Б.Б. қўлга олинган.