Россия президенти Владимир Путин Анқарага келди. У Туркия пойтахтида икки кун бўлади.
Қайд этиш керакки, бу Путиннинг президентлик сайловидан кейинги илк хорижий ташрифи бўлди.
Владимир Путин Туркия президенти Ражаб Тоййиб Эрдўғаннинг таклифига биноан Анқарага келди.
Ташриф давомида Россия раҳбари «Аккую» АЭС қурилиши бошланиши муносабати билан ўтказиладиган маросимда иштирок этади.
Маросимдан кейин Туркия ва Россия ҳамкорлик кенгашининг олий даражадаги йиғилиши бўлиб ўтади, унинг якунида давлатлар раҳбарлари қатор ҳужжатларни имзолаши кутилмоқда.
4 апрель куни Россия, Туркия ва Эрон президентлари иштирокида уч томонлама учрашув ташкил этилади.
