Тошкентда АҚШ фуқароси бошқарувидаги «Каптива» аёл кишини уриб кетди, у вафот этган

Кеча, 4 апрель куни соат тахминан 17:00да Тошкент шаҳрининг Юнусобод тумани Амир Темур кўчасида АҚШ фуқароси бўлган 25 ёшли М.А. «Каптива» русумли машинада аёл йўловчи, Ўзбекистон фуқароси бўлган 1985 йилда туғилган А.О.ни уриб юборган. Бу ҳақда пойтахт ИИББ ахборот хизмати хабар бермоқда.

Жароҳат олган йўловчи шаҳар клиник шифохонасига олиб борилган, бироқ бугун эрталаб у ҳаётдан кўз юмган.

Маълум бўлишича аёл пиёдалар йўлагидан ўтаётган бўлган, шу пайтда, ўзининг тан олиб айтишича, эътиборсизлик қилган «Каптива» ҳайдовчиси пиёдага йўл бермай уриб юборган. Ҳайдовчи спиртли ичимлик таъсирида бўлмагани айтилмоқда.