Жиззахда фожиа: ЙТҲда 8 киши ҳалок бўлди

Фото: sangzor.uz

Жиззах вилоятининг Пахтакор тумани ҳудудидан ўтган 4R-35 "Жиззах – Гагарин” йўлининг 49-километрида иккита "Нексия" русумли автомобиль тўқнашиб кетиши натижасида ёнғин келиб чиққан. Бу ҳақда Sangzor нашри ёзмоқда.

Қайд этилишича, ҳодиса 4 апрель куни соат 12:40да содир бўлган.

Жиззах шаҳрида истиқомат қилувчи, 1990 йилда туғилган фуқаро бошқарувидаги “Нексия” Жиззах-Дўстлик йўналиши бўйлаб ҳаракатланиб бораётганда, қарама-қарши йўналишдан келаётган, 26 ёшли арнасойлик ҳайдовчи бошқарувидаги автомобиль билан юзма-юз тўқнашиб кетган.

Оқибатда ёнғин келиб чиққан. Ҳодиса туфайли ҳар иккала автомобилда бўлган барча – жами саккиз киши ҳалок бўлган.

#ЙТҲ #Жиззах