Трамп Москва билан ёмон муносабатлар сабабини келтирди
АҚШ президенти Дональд Трамп унинг жамоасининг Россия вакиллари билан алоқалари борлигининг “виждонсиз” тергов қилинишини Вашингтон ва Москва ўртасидаги ёмон муносабатлар сабаби деб атади. Трамп бу ҳақда твиттерда ёзди.
“АҚШнинг Россия билан адоватининг катта қисми демократлар тарафдорлари ва Обамага ишлаган одамлар томонидан бошқарилаётган Россия бўйича ёлғон ва виждонсиз тергов сабабли вужудга келган”, деб айтган Трамп. У терговга бошчилик қилаётган махсус прокурор Роберт Мюллерни бу жараённинг “энг номақбул иштирокчиси” деб атади. “Ҳеч қандай фитна йўқ, улар ақлдан озмоқдалар”, деб айтган Трамп.
Аввалроқ Трамп Россия билан жорий муносабатларни “тарихдаги энг ёмони” деб атаган ва қуролланиш пойгасини тўхтатишга чақирганди. Трамп, шунингдек, Россияни Сурия томон отиладиган ракеталарни уриб туширишга тайёр туриши кераклигидан огоҳлантирган.
2017 йил май ойидан Мюллер кўплаб масалалар, жумладан Москванинг гўёки 2016 йилги АҚШдаги президент сайловларига аралашуви терговини олиб бормоқда.
Мавзуга оид
13:07
«Чекмайди ва онда-сонда озгина ичади». Камала Ҳаррис ўз тиббий картасини эълон қилди
16:29 / 12.10.2024
АҚШда радиоактив йўл қурилишига рухсат берилди
20:53 / 11.10.2024
“Орландо ва у ердаги ўзбеклар “Милтон” тўфонидан жабр кўрмади” — Соҳиб Аббосхон
15:57 / 11.10.2024