Трамп Россияга муносабати ҳақида гапирди

АҚШ президенти Дональд Трампнинг маълум қилишича, у Россияга «ҳали ҳеч кимда кузатилмаган даражада» қаттиқ муносабатда бўлмоқда. Бу ҳақда РИА «Новости» хабар қилган.

«Ҳали ҳеч ким президент Дональд Трамп каби Россияга қаттиқ муносабатда бўлмаган», - дея айтиб ўтди Трамп.

Аввалроқ АҚШ маъмурияти вакили Қўшма Штатлар Россия билан алоқаларни давом эттирмоқчи экани ва Россия томонидан жавоб ҳаракатлари кутилаётгани ҳақида маълум қилганди.

Шунингдек, ОАВ Россия президенти Владимир Путин ҳамда АҚШ етакчиси Дональд Трамп қандай шартларда учрашиши мумкинлиги ҳақида маълумот берди.

Таъкидланишича, икки етакчи учрашуви «учинчи давлатда, агарда етакчилар учрашувини талаб қилувчи вазият рўй берса ва қандайдир ижобий натижани келтириши олдиндан маълум бўлсагина» юз беради.