Бўрбалиқдаги тамаки операцияси

Фарғона вилояти божхоначилари бошқа ҳуқуқни муҳофаза қилувчи идоралар билан ҳамкорликда Олтиариқ тумани ҳудудида ўтказилган тезкор тадбир давомида республикага кўп миқдордаги тамаки маҳсулотларини ноқонуний олиб кирилишининг олдини олишди. Бу ҳақда Давлат божхона қўмитаси ахборот хизмати хабар берган.

Фуқаро Д.А. бошқарувидаги “Нексия” русумли автомашина кузатувга олиниб, Бўрбалиқ қишлоғи ҳудудида тўхтатилиб, холислар иштирокида кўздан кечирилганида автомашинанинг салони ва юкхонасида муқаддам Қирғизистон Республикасидан божхона назоратини четлаб, айланма йўллар орқали олиб кирилган, хорижда ишлаб чиқарилган, умумий қиймати 68.250.000 сўмлик, 9750 қути “Milano” номли тамаки маҳсулотлари борлиги аниқланди.