Фото: GM Uzbekistan
GM Uzbekistan Санкт-Петербургда ишлаб чиқаришни йўлга қўйиш бўйича музокаралар олиб бормоқда, дея ёзяпти «КоммерсантЪ».
Нашр маълумотларига кўра, GM Uzbekistan ҳамда Россия Федерацияси Саноат ва савдо вазирлиги Петербургдаги GM майдончаси бўйича махсус инвестицион шартнома имзолаш масаласини кўриб чиқмоқда.
Компанияга Петербургдаги корхона негизида Chevrolet’нинг бир нечта моделларини кенг миқёсда йиғиш тўғрисида шартнома имзолаш таклиф этилди.
Санкт-Петербургдаги GM заводи 2015 йилдан бери бўш турибди. Аввал Chevrolet ва Opel русумидаги автомобиллар йиғилган ишлаб чиқариш майдончаси йилига 100 мингдан ортиқ автомобиль ишлаб чиқаришга мўлжалланган.
