Катта Жорж Буш жонлантириш бўлимидан чиқарилди

Фото: Reuters /LARRY DOWNING

Қўшма Штатлар собиқ президенти катта Жорж Буш жонлантириш бўлимидан оддий палатага ўтказилди. Бу ҳақда Бушлар оиласи расмий вакили Жим Макграт твиттердаги саҳифасида ёзган.

«Президент Жорж Г. У. Буш Ҳьюстондаги Методист шифохонаси интенсив терапия бўлимидан оддий палатага ўтказилди. Кутилишича, у бу ерда яна бир неча кун давомида қолади. Унинг эс-ҳуши жойида ва шифохона ходимлари, оила аъзолари ҳамда дўстлари билан гаплашмоқда. Шифокори унинг аҳволидан анча хурсанд», - дея ёзган Макграт.

Шунингдек вакилнинг ёзишича, катта Буш барчага дуо ва эзгу ниятлар учун миннатдорлик билдиради.

Эслатиб ўтамиз, аввалроқ катта Жорж Буш шифохонага олиб кетилгани хабар қилинганди.