Британияда момақалдироқ вақтида ерга осмондан сирли жисм қулади (видео)

Британиянинг Брижуотер шаҳрида яшовчи Меган Тейлор момақалдироқ вақтида осмондан сирли жисмнинг ерга қулаганини видеога олди. Бу ҳақда The Daily Mail нашри хабар бермоқда. 

“Мен ҳеч қачон бундай чақмоқ кўрмаганман ва бу вақтда ерга нимадир қулашини мутлақ аниқ кўрмаганман”, деб айтган Тейлор ва бу жисм нима эканлиги ҳақида умуман тушунчага эга эмаслигини қўшимча қилган.

Видеога қолдирилган изоҳлардан бирида камера қушнинг ерга тушишини қайд қилгани тахмини билдирилган, бироқ бошқалар қулаган жисм қуш учун анча катталигини айтишган. 

Нашрнинг таъкидлашича, видеодаги ҳолат 2005 йилда намойишга чиққан “Оламлар уруши” фильмидаги ўзга сайёраликларнинг Ерга момақалдироқ вақтида тушиши лавҳаларини эслатиб юборади.