Ўзбекистон Республикаси президентининг рафиқаси Зироат Мирзиёева душанба куни Туркия етакчисининг рафиқаси Амина Эрдўған билан учрашув ўтказди.
Туркия биринчи хоними бу ҳақда Twitter’даги ўз саҳифасида ёзган.
«Ўзбекистон пойтахти Тошкент шаҳрида Зироат Мирзиёева билан учрашдик. Самимий меҳмондўстлик учун ташаккур», - дея ёзди Амина Эрдўған.
Эслатиб ўтамиз, Туркия президенти Ражаб Тоййиб Эрдўған 29 апрель куни давлат ташрифи билан Ўзбекистонга келди. Пойтахт аэропортида Ўзбекистон Республикаси бош вазири Абдулла Арипов меҳмонни кутиб олган.
