«Глазго Рейнжерс» клуби Стивен Жеррард билан шартнома имзолаганини эълон қилди.
«Ливерпуль»нинг собиқ яримҳимоячиси, айни пайтда ёшлар жамоаси мураббийи ёзда Шотландиянинг кўп карра чемпионида иш бошлайди.
«Рейнжерс» бош мураббийи бўлиш - мен учун шарафдир. Бу жамони, унинг тарихи ва анъаналарини жуда ҳурмат қиламан. Фаолиятимдаги янги даврнинг бошланишини интизорлик билан кутаман» - деди Жеррард.
Маълумки, сўнгги йилларда «Рейнжерс» аввалги мавқесини йўқотиб, анча кучсизланиб қолган эди. Жамоа раҳбарияти Жеррардга ишонч билдириб, клубнинг чемпионлик учун курашишига ишонмоқда.