Трамп ва Ким Чен Ин Корея уруши якунланганини эълон қилади – ОАВ

АҚШ президенти Дональд Трамп ва КХДР етакчиси Ким Чен Иннинг Сингапурда 12 июнда бўлиб ўтадиган учрашуви Корея уруши якунланганини эълон қилиш билан тугаши мумкин. Бу ҳақда Nikkei ёзмоқда.

Япония газетаси режалаштирилаётган саммит кун тартиби ҳақида маълумотга эга бўлган. Хусусан, АҚШ КХДРнинг бутунлай ядросизланиши муддатларини мустаҳкамлаб қўймоқчи. Япония ташаббусни қўллаб-қувватламоқда ва аниқ муддатни таклиф этяпти – 2020 йил. Бундай чекловлар Америка президенти сайловлари билан бир вақтга тўғри келиши мумкин, дея таъкидлайди нашр.

Трамп аввал гапирган «муҳим келишув»га эса учрашув охирида Корея уруши якунланганининг эълон қилиниши айланиши мумкин. Шундан сўнг гап ўт очишни тўхтатишдан тинч битимга расмий ўтиш ҳақида бориши эҳтимолга яқин, деб ёзмоқда Nikkei.

Эслатиб ўтамиз, аввалроқ Оқ уй нега Сингапур танланганини тушунтириб берганди.