YouTube’да фойдаланувчиларга танаффус қилишни эслатувчи функция жорий қилинди

YouTube’да фойдаланувчиларга видеороликларни томоша қилиш вақтида танаффус қилиб олишни эслатувчи функция жорий қилинди. “Менга томошадан дам олишни эслатиш” деб номланган бу функция YouTube’нинг Android ва iOS учун янги версияларида жорий қилинган.

Дастур 15, 30, 60, 90 ва 180 дақиқадан кейин видеони томоша қилишдан дам олиш лозимлигини эслатиши мумкин. Белгиланган вақтдан кейин видео тўхтайди, сўнгра фойдаланувчи огоҳлантиришни ўтказиб юбориб, намойишни давом эттириши мумкин. Таймер видеодаги паузалар ва дастур ёпилишини ҳам ҳисобга олади.

Бошланғич ҳолатда бу функция ўчирилган бўлади.