Видео: Дубайдаги осмонўпар бинолардан бири ўт ичида қолди

Фото: Dubai Media Office

Дубайдаги Dubai Marina туманида жойлашган осмонўпар бинолардан бири олов ичида қолди.

Dubai Media Office хабарига кўра, ёнғин чиққан Zen Tower биносида яшовчилар тўлиқ эвакуация қилинган, ҳалок бўлганлар ёки жабрланганлар йўқ. Айни вақтда ўт ўчирувчилар олов устидан назорат ўрнатишган.

Қайд этилишича, ёнғин кучли қум бўронлари вақтида юзага келгани учун уни бартараф этиш мураккаблашган, кучли шамол ва кўриш ёмонлашуви ўт ўчирувчиларнинг ишини оғирлаштирган.

Ёнғин сабаблари ҳозирча аниқланмади.