Асад Путинга Сурия масаласида музокаралар бошлашга тайёрлигини билдирган

Россия Федерацияси президенти Владимир Путин суриялик ҳамкасби билан Сочи шаҳрида учрашди. Бу ҳақда президент матбуот котиби Дмитрий Песков журналистларга маълум қилган.

«Бугун Сочи шаҳрида Россия президенти Путин ва Сурия араб республикаси президенти Башар Асад учрашуви бўлиб ўтди», дейди у. 

Матбуот котибнинг таъкидлашича, Асад амалий ташриф билан Сочида Путин билан учрашган. 

Хабарда айтилишича, Путин ҳамкасбини терроризмга қарши курашда эришилаётган ютуқлар билан табриклаган. Шунингдек, Асад ҳам Сурияда сиёсий вазиятни ўнглаш бўйича музокараларни бошлашга тайёрлигини билдирган. Эндиликда урушдан кейин мамлакатни тиклаш учун 200 миллиард доллардан 400 миллиард долларгача бўлган маблағ талаб этилади.

АҚШ конгрессининг қуйи палатаси Қўшма Штатлар томонидан Суриянинг ушбу давлат ҳукумати назорати остида бўлган ҳудудларда тиклаш ишлари бўйича исталган ёрдам тақдим этилишини тақиқловчи қонун лойиҳасини қабул қилди.

 Айни дамда Россия-Америка муносабатлари совуқ урушдан ҳам «каттароқ нимагадир» ўхшамоқда.

«Мен умид қиламанки, биз бу қудратли давлатлар ўртасида тўғридан-тўғри можарога гувоҳ бўлмаймиз, сабаби бу қолган бутун дунёни назоратдан чиқариб юбориши мумкин», деган Асад.

Эслатиб ўтамиз, Россия ва Сурия раҳбарларининг Сочи шаҳридаги учрашуви 2017 йил ноябрдан буён яна амалга оширилмоқда.