Йил бошидан буён Россия 248 минг кишини йўқотди. Бу вақт ичида у минг километр квадрат майдонни эгаллашга муваффақ бўлди, лекин Украина унинг катта қисмини қайтариб олди. Ўз ҳудудига яна минг километр квадрат ерни қўшиш учун Путин ҳар бир километрга 248 кишини қурбон қилди.
Путин беш йил ичида 17-18 марта бир хил ваъда берди: яна бир неча ой ва кейин уруш тугайди – аммо муддатлар доим ортга сурилмоқда. Путин кўпроқ шаҳарларимизни эгаллашни хоҳлайди. «Тинчлик» сўзини айтишга унга нимадир халал бермоқда. Унга 17 миллион километр квадратлик ўз ҳудуди етарли бўлиши керак, аммо у бошқаларнинг ерига кўз тикади. Путинни урушсиз тасаввур қила оласизми?
У нолинчи рақамли пациент: унинг уруш ғояси янги ҳудудларга ёйилмоқда. Путиннинг қўллари қанчалик ечилса, у барча учун шунчалик хавфлидир. Нолинчи пациент тўхтатилиши керак.
Россия нефти – Украина нишони эмас. Бензин, дизел, заводлар – Украинанинг нишони эмас. Путинни тўхтатиш учун Россиянинг молиялаштириш манбалари ва ишлаб чиқаришини тўхтатиш керак. Биз Россиянинг даромадларини ёқиб юборишга ҳаракат қиляпмиз – бизнинг нишонимиз шу.
Россиянинг бирорта мулозими Россия генерал Мороздан ҳимояланиши кераклигини хаёлига ҳам келтирмаган. Агар Россия бизнинг энергетика объектларимизга зарба берадиган бўлса, биз ҳам худди шундай йўл тутамиз. Шунинг учун қишгача вазиятни юмшатиш керак.
