Фото: Depositphotos
Америкалик конгрессмен Мо Брукснинг маълум қилишича, жаҳон океани сатҳи унга қоялар қулаётгани туфайли кўтарилиб бормоқда. Бу ҳақда РИА «Новости» хабар қилган.
«Тупроқ ёки қоя ва шунга ўхшаш нарсалар денгизга тушса, бу денгиз сатҳининг кўтарилишига сабаб бўлади, чунки сувдаги бўшлиқ камайиб боряпти», - дея айтиб ўтди Брукс АҚШ конгрессидаги эшитувларда.
Ўз навбатида, иқлимшунос олим Филип Даффи конгрессменнинг тахминини рад этиб чиқди.
Экспертнинг фикрича, тупроқ эрозиясидан келувчи эффект инсон фаолияти билан таққослаганда жуда пастдир. Айнан инсон туфайли қутблар атрофидаги музлар эриб бормоқда.
Эслатиб ўтамиз, аввалроқ Осиёда яна кимдир озон қатламини бузаётгани хабар қилинганди.
