“Тошкент-Ўш” йўлида мудҳиш ЙТҲ, аёл ва унинг уч ёшли ўғли ҳалок бўлди

Тошкент вилоятининг Ангрен шаҳрида 19 май куни Сурхондарё вилояти Ангор туманида яшовчи, Ў.О. бошқарувидаги “Нексия” русумли автомашинасини “Тошкент-Ўш” йўлининг 174-км.да ҳайдаб кетаётиб, йўлни кесиб ўтаётган пиёдалар, Ангрен шаҳрида яшаган (аёл) М.И. ва уч ёшли ўғли А.Б.ни уриб юборган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари  билан алоқалар бошқармаси хабар қилмоқда.

Натижада М.И. ва А.Б. жароҳат олиб касалхонага ётқизилган ҳамда кўрсатилган тиббий муолажаларга қарамай вафот этганлар.