«Манчестер Сити» жаҳон чемпионатига оид рекорд ўрнатди
«Манчестер Сити» жаҳон чемпионатларининг янги рекордини ўрнатди: Англия чемпионининг 17 нафар футболчиси терма жамоаларнинг мундиал учун таркибларидан ўрин олган.
Жамоанинг 2018 йилги жаҳон чемпионатига борадиган футболчилари: Фабиан Делф, Жон Стоунз, Кайл Уокер, Раҳим Стерлинг (барчаси – Англия), Эдерсон, Данило, Фернандиньо, Габриэл Жезус (барчаси – Бразилия), Илкай Гундўған, Лерой Сане (иккиси – Германия), Николас Отаменди, Серхио Агуэро (иккиси – Аргентина), Венсан Компани, Кевин де Брюйне (иккиси – Бельгия), Бернарду Силва (Португалия), Давид Сильва (Испания) ва Бенжамен Менди (Франция).
«Сити» бу борада Мадриднинг «Реал» клубини ортда қолдирган, бу жамоанинг 16 нафар футболчиси терма жамоалар йиғинларига чақирилган.
Бундан аввалги рекорд «Арсенал» томонидан 2006 йилги жаҳон чемпионатида ўрнатилганди, ўшанда лондонликлар жамоасининг 15 нафар футболчиси жаҳон чемпионатига борганди.
2017/18 йилги мавсумда «Сити» Премьер-лига ва Англия Лигаси кубогида ғолиб бўлди.
ЖЧ-2018 14 июндан 15 июлгача Россиянинг 11 шаҳрида бўлиб ўтади.
Мавзуга оид
12:23 / 02.10.2024
«Арсенал» «ПСЖ»га имкон қолдирмади, «Барса» ва «Сити» истаганча гол урди. ЕЧЛда кун ўйинлари
17:00 / 26.09.2024
Чемпионлик курашига таъсир қилувчи жароҳат — Родрисиз «Сити»нинг титул пойгасидаги имкониятлари қандай?
15:41 / 26.09.2024
АПЛда янги душманлик бошланиши. Артета аслида Гвардиоланинг шогирди эмаслиги ҳақида
12:28 / 19.09.2024