АҚШ КХДР билан мулоқотни тиклашга тайёр
Жанубий Корея ташқи сиёсат идораси раҳбари Кан Гён Хва америкалик ҳамкасби Майк Помпео билан телефон орқали мулоқотда АҚШ президенти Дональд Трамп ва Шимолий Корея раҳбари Ким Чен Иннинг учрашуви бекор қилингани ҳақида сўз юритди. Бу ҳақда Жанубий Корея ТИВ сайтидаги баёнотида айтилади.
Таъкидланишича, мулоқот чоғида Помпео Америка томонининг позициясини очиқлаган ва АҚШ КХДР билан мулоқотни тиклашга тайёр эканини таъкидлаб ўтган.
Кан Гён Хва саммит бекор қилинишидан афсусда эканини айтган. У «Корея ярим оролида мустаҳкам тинчликни ўрнатишда муҳим роль ўйнаши мумкин эканини» қайд этди. Бундан ташқари, дипломат Вашингтон ва Сеулнинг ҳамкорлигини КХДР билан мулоқот учун йўл излаш мақсадида давом эттириш таклифи билан чиққан.
Эслатиб ўтамиз, аввалроқ Трамп Ким Чен Ин саммитни ўзидан олдин бекор қилишидан хавфсирагани ҳақида хабар берилганди.
Мавзуга оид
22:33 / 07.10.2024
АҚШ Қозоғистонда АЭС қуриш бўйича тендерда иштирок этиш истагини билдирди
21:47 / 06.10.2024
Шимолий Корея «янги давр» бошланганини эълон қилди
21:16 / 06.10.2024
Трамп сайловда ғалаба қозонса, америкаликларни Марсга қўндиришга ваъда берди
09:51 / 06.10.2024