AQSh prezidenti Donald Tramp KXDR rahbari Kim Chen In shaxsiy uchrashuvni undan oldin bekor qilishi mumkinligidan xavfsiragan va shuning uchun shimoliy koreyalik yetakchini ortda qoldirishga qaror qilgan. Bu haqda NBC manbalarga asosan xabar bermoqda.
Ta'kidlanishicha, Singpurda 12 iyun kuni bo‘lib o‘tishi kerak bo‘lgan sammitni bekor qilish haqidagi qaror Oq uy ma'muriyati uchun umuman kutilmagan qadamga aylandi.
«Kecha sammit bekor qilinishiga oid bironta ham ishora yo‘q edi», - deya aytib o‘tgan ikki mamlakat yetakchilari shaxsiy uchrashuviga tayyorgarlik ko‘rish bilan shug‘ullangan manba.
Shuningdek, xabar qilinishicha, Trampni Kim Chen In bilan uchrashmaslikka milliy xavfsizlik bo‘yicha prezident maslahatchisi Jon Bolton ko‘ndirgan. U Koreya yarim orolidagi mojaroga kuch yo‘li bilan yechim topish tarafdori sanaladi.
NBC ma'lumotlariga ko‘ra, sammitni bekor qilish haqidagi qaror davlat kotibi Mayk Pompeo tomonidan salbiy qabul qilingan, u joriy yilda Pxenyanga Shimoliy Koreya hukumati bilan muzokaralar uchun ikki marta borib keldi.
Eslatib o‘tamiz, avvalroq AQSh kelasi hafta boshida KXDRga qarshi yangi sanksiyalar joriy etmoqchi ekani xabar qilingandi.
