Россия президенти Владимир Путин жорий президентлик муддати якунлангандан кейин ўз лавозимидан кетишини тасдиқлади. Унга бу ҳақдаги тегишли савол Петербургдаги иқтисодий форум доирасида берилган. Путин бунга жавобан аввалгидек конституцияга тўлиқ риоя қилишга ваъда берган.
“Конституцияда “қаторасига икки мартадан кўп эмас”, деб ёзилган. Мана ҳозир мен иккинчи муддатни ўтаяпман”, деб айтган Путин халқаро ахборот агентлиги раҳбарлари билан учрашувда.
У фаолияти давомида икки марта президент бўлганини, бироқ кейин бу лавозимни тарк этганини, чунки конституция унга 3-муддатга сайланишга ижозат бермаганини эслатиб ўтган.
Аввалроқ Путиндан унинг 2030 йилдаги президентлик сайловларида иштирок этиши ҳақидаги сўралган.
“Келинг ҳисоблаб чиқамиз, мен нима бу лавозимда 100 ёшгача ўтираманми? Йўқ”, деб жавоб қилган Путин.
2030 йилда Владимир Путин 77 ёшга тўлади.
