Жанубий Корея АҚШ ва КХДР ўртасида музокаралар тикланишига муносабат билдирди

Фото: Reuters

Жанубий Корея АҚШ ва Шимолий Корея ўртасида икки томонлама саммит бўйича музокаралар тикланганини «омад» деб ҳисоблайди.

Бу ҳақда «Рёнхап» Жанубий Корея президенти Мун Чжэ Иннинг офисига асосан хабар бермоқда.

«Шимолий Корея ва АҚШ ўртасида мулоқот имконияти ҳамон бор экани, у тўхтаб қолмагани жуда омадли», - дея маълум қилишган жанубий кореяликлар президенти офисидан.

Таъкидланишича, Жанубий Корея воқеалар ривожини диққатлик билан кузатиб бормоқда.

Эслатиб ўтамиз, аввалроқ Трамп КХДР билан музокаралар муддатига аниқлик киритганди.

#АҚШ #КХДР #Жанубий Корея