Австрия канцлери: АҚШга ишонч қолмаяпти

Фото: РИА Новости/Алексей Витвицкий

Австрия канцлери Себастьян Курцнинг маълум қилишича, Америка томони тобора ишончсиз бўлиб бормоқда. Шу билан бирга, Европа мамлакатлари бирдамликни сақлаб қолиши керак. Бу ҳақда у The Financial Times’га берган интервьюсида айтиб ўтди.

Курцнинг сўзларига кўра, Бирлашган Қиролликнинг Евроиттифоқ таркибидан чиқиш ҳақидаги қарори «даҳшатли», унинг асосий сабаби эса миграцион муаммодир.

«АҚШ биз учун тобора ишончсиз бўлиб бормоқда. Энг асосийси - Европа бирдам бўлиб қолиши керак», - дея таъкидлаб ўтди Курц.