«Россия аниқ алоқадор». Украина бош вазири Бабченконинг ўлими бўйича баёнот берди

Фото: ТАСС /Сергей Бобылев

Украина бош вазири Владимир Гройсманнинг маълум қилишича, Россия Киевда ўлдирилган журналист Аркадий Бабченконинг ўлимига аниқ алоқадор. Бу ҳақда РИА «Новости» хабар бермоқда.

Унинг сўзларига кўра, Бабченко «Украинанинг ҳақиқий дўсти» бўлган ва Россия «унга буни кечира олмаган».

29 май куни Киевда россиялик журналист Аркадий Бабченко ўлдирилди.

Бабченко 2017 йилнинг 21 февраль куни Россияни тарк этишга мажбурлиги, бунга ўзига тўхтовсиз таҳдид қилишаётгани сабаб эканини маълум қилганди. У 2017 йилнинг октябридан 2018 йилнинг май ойига қадар ATR телеканалидаги «Prime: Бабченко» дастурини олиб борган.