Зидан “Реал”ни Роналду ва Бэйл деб тарк этди – ОАВ

Фото: Getty Images

“Реал” Мадриднинг эндиликда собиқ бош мураббийи Зинедин Зидан клубни Криштиану Роналду шартномасини узайтиришдаги муаммо сабабли тарк этишга қарор қилган. Бу ҳақда AS испан нашри маълум қилмоқда.

Нашр маълумотларига кўра, Зиданни Роналду ва Гарет Бэйлнинг клубдаги келгуси тақдири билан боғлиқ мавҳумлик ташвишлантирган.

Бундан ташқари, Зидан ва клуб президенти Флорентино Перес ўртасида трансфер сиёсати бўйича зиддият юзага келган. Перес “Атлетик” дарвозабони Кепа Аррисабалагани сотиб олмоқчи бўлган, Зидан эса клубнинг амалдаги дарвозабони Кейлор Навасни қўллаб-қувватлаган. Шунингдек, “Реал” раҳбари Зиданнинг фикрига зид равишда Роберт Левандовски ва Неймар сотиб олинишини талаб қилган.