Hilton Tashkent City ҳудудида меҳмонхона очиши мумкин. Буни Tashkent City дирекцияси хабаридан билиш мумкин, деб ёзмоқда Spot.
Бир нечта рендерларда осмонўпар иморатда Hilton ёзуви борлигини пайқаса бўлади.
Дирекция бу ҳақида изоҳ бермаган, бироқ музокаралар ўтказилаётгани, Hilton’да Ўзбекистонга қизиқиш борлиги ҳақида май ойида, президент Шавкат Мирзиёевнинг АҚШга ташрифи арафасида хабарлар пайдо бўлганди.
Hilton - Hilton Worldwide корпорациясига тегишли бўлган меҳмонхона ва курортлар халқаро тармоғи. Компания 1919 йилда Конрад Хилтон томонидан ташкил этилган. 2017 йилда Hilton Hotels & Resorts бренди дунёнинг 103 мамлакатида ва ҳудудларида жойлашган 5 100дан зиёд меҳмонхоналар ҳамда дам олиш масканларини ўз ичига олади.
Эслатиб ўтамиз, аввалроқ Tashkent City 4 йил ичида қурилиши хабар берилганди.
