50 йил муқаддам, 1968 йилнинг 5 июнь куни, Лос-Анжелесда америкалик сенатор, 1968 йилги сайловларда президентликка номзод ва ундан беш йил аввал ўлдирилган президент Жон Кеннедининг кичик укаси Роберт «Бобби» Кеннеди отиб ташланди. Унинг қотиллигида айбланган фаластинлик муҳожир Серхан Бишара Серхан ўлим жазосига ҳукм қилинди, кейинчалик жазо умрбод қамоққа алмаштирилди. Сайловларда якунда Республикачилар партиясидан номзод Ричард Никсон ғалаба қозонди.
Шу билан бирга, Бобби Кеннеди номзодини қора танлилар фуқаролик ҳуқуқлари учун ҳаракат етакчиси, 1968 йилнинг апрелида ўлдирилган Мартин Лютер Кинг қўллаб-қувватлаган. Бундан ташқари, сиёсатчи Вьетнамдаги урушга қарши чиққан. Унинг ва акасининг ўлими борасида фитна назарияси пайдо бўлган. Қуйида Роберт Кеннеди тасвирланган бир нечта архив кадрлар тақдим этилади.
Сенатор Роберт Кеннеди президентлик кампанияси вақтида Детройтда, 1968 йил 15 май
Сенатор Роберт Кеннеди Лос-Анжелесдаги «Амбассадор» меҳмонхонасида ўлимидан бироз аввал, 1968 йил 5 июнь
Бева Этель Кеннеди ўғли кичик Роберт ва бошқа оила аъзолари билан Роберт Кеннедининг дафн маросимида, Нью-Йорк, 1968 йил 8 июнь
Калифорния давлат котиби Роберт Кеннедини ўлдиришган тўппонча билан, Сакраментодаги матбуот анжуманида, 1988 йил апрели
Сенатор Роберт Кеннедининг қотиллигида гумонланувчи Серхан Бишара Серхан Лос-Анжелесда адвокати билан, 1968 йил июни
Сенатор Роберт Кеннеди Орегон штатидаги Астория соҳил бўйида Фреклз лақабли ити билан, 1968 йилнинг 24 майи
