Ибраҳимович ЖЧ-2018га олиб кетилмаганига ким айбдор эканини айтди
«Лос-Анжелес Гэлакси» клуби ҳужумчиси Златан Ибраҳимовичнинг маълум қилишича, у Россиядаги жаҳон чемпионатига швециялик журналистлар туфайли бора олмади.
«Афсуски, маҳаллий ОАВда шундай менталитет бор. Менда шведларга хос бўлган исм-фамилия, характер йўқ. Бироқ, улар терма жамоанинг рекорди ҳамон менга тегишли эканини ёддан чиқариб қўйишди. Жаҳон чемпионати - бу жуда катта байрам.
У ерда ҳар доим энг яхши футболчилар ўйнайди, аммо Златан у ерда бўлмайди. Улар мен жамоа билан ишлашни билмаслигим ҳақида маълум қилишмоқда, бироқ менинг фаолиятимга бир назар ташланг. Мен кўплаб совринларни ютиб олганман, буни жамоасиз қилишим мумкин эдими?» - дея ҳужумчининг сўзларини келтиради Football Italia.
Футбол бўйича жаҳон чемпионати Россиянинг 11 шаҳрида 14 июндан 15 июлга қадар бўлиб ўтади. Швеция терма жамоаси F гуруҳида Германия, Мексика ва Жанубий Корея билан куч синашади.
Эслатиб ўтамиз, аввалроқ Эрон терма жамоаси бош мураббийи Карлуш Кейруш ФИФАга илтимос билан чиққанди.
Мавзуга оид
22:05 / 05.10.2024
Швеция ўз ҳарбийларини Латвияга юборади
12:50 / 03.10.2024
Дания ва Швецияда Исроил элчихоналари яқинидаги портлашлар текширилмоқда
15:15 / 27.09.2024
Швецияда бобо-бувиларга набираларига қарагани учун нафақа берилмоқда
23:35 / 23.09.2024