Сингапур АҚШ ва КХДР саммитининг 2 кунлик шаклига тайёр

Фото: AFP/ Behrouz Mehri

Сингапур ташқи ишлар вазири Вивиан Балакришнаннинг «Би-би-си»га интервьюда маълум қилишича, Қўшма Штатлар президенти Дональд Трамп ҳамда КХДР етакчиси Ким Чен Иннинг 12 июнга режалаштирилган учрашуви, зарурат туғиладиган бўлса, яна бир кунга - 13 июнга ҳам чўзилиши мумкин.

«Улар сешанба ёки чоршанба куни қандай келишувлар, ёки дастлабки келишувларга эришишини кузатамиз», - дея айтиб ўтди Балакришнан.

Интервьюнинг тўлиқ матни Сингапур ташқи сиёсат идораси сайтида эълон қилинган.

Эслатиб ўтамиз, аввалроқ Трамп Сингапур ҳавосидан завқланиб кетгани хабар берилганди.