Россиянинг Узоқ шарқида бир кунда 100 минг гектардан ортиқ ўрмон ёниб кетди

Россиянинг Узоқ шарқ минтақаларида бир кеча-кундузда 106 минг гектардан ортиқ ўрмоннинг кули кўкка совурилди. Унинг катта қисми Ёқутистонга тўғри келди, деб хабар қилмоқда РИА Новости. Бунгача 30 минг гектар ўрмон ёниб кетган эди. 

"Шу кунларда Узоқ шарқ федерал округида 6та ёнғин ўчоғи пайдо бўлди. Умуман, минтақа ўрмонларида 94 ёнғин ўчоғи мавжуд. Шундан 73таси Саха республикасида, 12таси Магадан вилоятида, қолгани Камчатка ўлкаси, Чукотка АО ва Хабаров ўлкасидадир. Ўт ўчирувчилар саъй-ҳаракатлари билан 9таси бартараф этилди", — дейилади хабарда.