Тошкент шаҳрининг яна бир йўлида автомобиллар ҳаракати тикланди

Тошкент шаҳри Яшнобод туманидаги Махтумқули кўчасидан Абдулла Қодирий кўчасига ўтувчи йўл автомобиллар ҳаракати учун қайтадан очилди. Бу ҳақда шаҳар ҳокимлиги сайтида эълон қилинган. 

“Пойтахтимизда олиб борилаётган кенг кўламли қурилиш, ободонлаштириш ишлари фуқароларнинг турмуш кечириш шароитини яхшилашга қаратилган. Қолаверса бу йўллардаги ҳаракатланишни тартибга солиш, янги кўприкларни қуриш ва йўловчиларнинг мушкулини осон қилиш билан чамбарчас боғлиқдир.

Шу муносабат билан транспорт воситалари учун қулайлик яратиш мақсадида Яшнобод тумани Маҳтумқули кўчасидан А.Қодирий кўчасига ўтиш йўли очилганлигини маълум қиламиз”,- дейилади шаҳар ҳокимлиги Ахборот хизмати хабарида.