АҚШдаги ресторан мижозларга китоблар совға қилмоқда

АҚШнинг Коннектикутида 1970 йилда очилган Traveler ресторани ўша вақтдаёқ мижозларга нафақат таомлар, балки бепул китоблар таклиф қила бошлаган. Бу китоблар ресторан эгасига тегишли бўлиб, у жуда катта кутубхонага эга бўлган. Онлардан бирида у уйида жой бўшатмоқчи бўлган ва шу мақсадда китоблардан халос бўла бошлаган.

1993 йилда ресторан эгалари ўзгарган бўлса-да, улар анъанани бузишни исташмаган. Ҳозирда ресторан эгалари ҳафтасига 2 мингтагача китоб совға қилишади. Улар бу бизнес билан шуғулланишни бошлаганларидан бери 2,5 млнтага яқин китобни мижозларга совға қилишган.

Ресторан китобларни турли манбалардан олади, кўпинча кутубхоналарда арзон нархда сотиб олади. Бироқ бир қисм китобларни мижозлар олиб келишади. Ресторан эгаларининг айтишича, бундай ҳолат деярли ҳар кун юз беради.