Халқаро истеъмолчилар ташкилоти - Consumers International - Си-Ай таклифига кўра, Истеъмолчилар ҳуқуқларини ҳимоя қилиш жамиятлари федерацияси Си-Айнинг Буюк Британия пойтахти Лондонда жойлашган глобал офисига ташриф буюрди.
Икки томонлама учрашув доирасида Cи-Ай бош директори Аманда Лонг Истеъмолчилар ҳуқуқларини ҳимоя қилиш жамиятлари федерацияси раиси Жаҳонгир Саримсоқовга федерацияни нуфузли халқаро ташкилот аъзолигига қабул қилиш тўғрисида сертификат топширди.
Таъкидланишича, ташриф чоғида Ўзбекистон делегацияси вакиллари Си-Ай мутахассислари билан, хусусан, ташкилотнинг истеъмолчилар ҳуқуқлари тарғиботи масалалари бўйича раҳбари Жастин Мак Миллан ва стратегик ривожланиш ҳамда коммуникациялар бўйича раҳбари Филип Ҳант билан конструктив музокаралар ўтказди.
