Фото: KUN.UZ
Сурхондарё вилоятининг Музработ туманида 19 июль куни вилоят ИИБ ЙҲХБ ходими лейтенант Х.П. Нурли маҳалласи ҳудудида ҳаракатланиб келаётган шу маҳаллада яшовчи Э.М. бошқарувидаги “Ласетти” русумли автомашинани тўхтатган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, у автомашинага тегишли ҳужжатларни сўраган вақтида Э.М. ходимнинг қонуний талабига бўйсунмай лейтенант Х.П.га қўл кўтариб, сўнг автомашинаси билан уриб юбориб, воқеа жойидан яширинган.
Кўрилган чоралар натижасида Э.М. қўлга олинган. Натижада лейтенант Х.П.га касалхонада тиббий ёрдам кўрсатилган. Ҳозирда суриштирув ишлари олиб борилмоқда.
