Миср пойтахти Қоҳирадаги ҳайвонот боғларидан бирининг эгалари эшакларни зебраларга ўхшатиб бўяб қўйишга қарор қилди. Бу ташриф буюрувчиларни жалб этиш мақсадида қилинган, дейилади Extra News телеканали эфиридаги маълумотда.
Таъкидланишича, 9-синф ўқувчиси Муҳаммад Сархон бундай ўзига хос кўзбўямачиликни биринчи бўлиб пайқаб қолди. У Халқаро боғга ташриф буюриб, ўтказилган экскурсия вақтида «зебра»лардан бирининг кўзи ёнидан қора бўёқ оқиб тушаётганини кўриб қолган. Бола тасвирга олган фотосуратларини ижтимоий тармоқларда жойлаштирди.
Аниқлик киритилишича, ҳайвонот боғи директори вольерлардаги «зебра»лар ҳақиқий эканини иддао қилишда давом этяпти.
