Тошкент марказида янги радарлар ўрнатилди

Фото: УзА

Тошкент шаҳар ИИББ йўл ҳаракати хавфсизлиги бошқармаси маълумотларига кўра, пойтахтдаги марказий кўчаларидан бирида яна 4та радар ишга туширилди.

Қайд этиш жоизки, камералар Абдулла Қодирий кўчасининг туннель бор қисмига, унга кириш ва чиқиш жойида ўрнатилган.

Автотранспорт воситаларининг тезлигини қайд этиш учун радарлар сонини кўпайтиришдан мақсад - пойтахтда содир бўлаётган йўл-транспорт ҳодисалари сонини камайтириш, ҳайдовчиларни интизомли бўлишга ундашди.

Қайд этилишича, кўп ҳолларда ҳайдовчилар туннеллар ичида катта тезлик билан ҳаракатланади, бу уларнинг ҳаёти ва йўл ҳаракатига хавф туғдиради.