Йилнинг биринчи ярмида Ўзбекистон энг кўп экспорт қилган маҳсулот маълум

Ўзбекистон Республикаси Ташқи савдо вазирлиги 2018 йилнинг биринчи ярмида Ўзбекистон томонидан экспорт қилинган маҳсулотлари рўйхати ҳақида маълумот берди.

Унга кўра, табиий газ экспорти 1 139 948 минг долларга тенг бўлган бўлса, мева-сабзавот ишлаб чиқариш - 463 198, ип, пахта - 381 039, полиэтилен - 219 495, тайёр тўқимачилик маҳсулотлари - 216 839, пахта толаси - 166 081, мис катоди - 147 594, электр энергия - 105 983, табиий уран - 98 927, қора металл прокати - 90 373, тери маҳсулотлари - 34 865, трикотаж матолар - 33 249, пахта матолари - 29 687, қурилиш материаллари (цементдан ташқари) - 28 253, енгил автомобиллар - 22 164, полипропилен - 21 587, карбамид - 21 255, озиқ-овқат маҳсулотлари - 18 324, калий ўғитлари - 17 062, аммиакли селитра - 14 911 минг долларни ташкил қилди.

Экспортнинг умумий ҳажми 7 793 421,1 минг долларни ташкил қилди.