Ҳиндистондаги кучли ёмғирлар 27 кишининг ҳаётига зомин бўлди

Фото: AP / Rajesh Kumar Singh

Ҳиндистон шимолидаги Уттар-Прадеш штатида кучли ёмғирлар оқибатида камида 27 киши ҳалок бўлди. Бу ҳақда NDTV телеканали маълум қилди.

Шунингдек, 12 киши жабр кўрган.

Уттар-Прадеш бош вазири Йоги Адитьянатх маҳаллий ҳокимият идораларига қутқарув операциялари ва уйлари вайрон бўлганларга қонунга мувофиқ молиявий ёрдам кўрсатишни бошлашга кўрсатма берган.

Ҳиндистон метеорологик хизмати бундай кучли ёғингарчилик штатнинг кўплаб ҳудудларида давом этиши мумкинлигидан огоҳлантирган.