Қизириқ тумани ҳокими ўзгарди

Сурхондарё вилояти Қизириқ туманида Халқ депутатлари туман Кенгашининг навбатдан ташқари сессияси бўлиб ўтди. Бу ҳақда вилоят ҳокимлиги ахборот хизмати хабар бермоқда.

Олим Бобоқулович Муҳаммадиев
Фото: Сурхондарё вилояти ҳокимлиги матбуот хизмати

Сессияда ташкилий масала кўрилди. Бошқа ишга ўтганлиги муносабати билан Алишер Мингқобилович Норқобилов Қизириқ тумани ҳокими вазифасидан озод қилинди.

Шу кунга қадар вилоят ҳокимининг қишлоқ ва сув хўжалиги масалалари бўйича ўринбосари лавозимида ишлаб келган Олим Бобоқулович Муҳаммадиев Қизириқ тумани ҳокими этиб тасдиқланди.

Фото: Сурхондарё вилояти ҳокимлиги матбуот хизмати

Эслатиб ўтамиз, аввалроқ Бош прокуратура ҳузуридаги Агросаноат мажмуи ва озиқ-овқат таъминланиши устидан назорат қилиш инспекциясида бошқарма бошлиғи вазифасида ишлаб келган Улуғбек Ахунов Сурхондарё вилояти ҳокимининг қишлоқ ва сув хўжалиги масалалари бўйича ўринбосари этиб тайинлангани хабар берилганди.