Испания Европада муҳожирларга эҳтиёж борлигини маълум қилди

Испания ташқи ишлар вазири Жозеп Боррелнинг маълум қилишича, Европада аҳоли кексайишига қарши курашиш учун «янги қон» керак. Шунингдек, унинг билдиришича, айни пайтда Африкадан миграция билан боғлиқ вазият оммавий характерга эга эмасдир. Бу ҳақда РИА «Новости» хабар бермоқда.

«Биз «оммавий» сўзини оддий нарса, деб ҳисобламоқдамиз. Терминларни анча диққатлик билан танлаш керак. Жамоатчилик миграциянинг тизимсиз характеридан хавотирда, лекин ҳақиқат шуки, 600 киши Иордания томонидан қабул қилинган 1,3 миллион суриялик қочқинлар билан солиштирилганида оммавий эмас», - деди Боррель Иордания Ташқи ишлар вазирлиги раҳбари Айман ас-Сафадий билан учрашувдан кейин ўтказилган матбуот анжуманида. 

Шунингдек, вазирнинг таъкидлашича, йил бошидан буён Испанияга Африкадан 20 минг киши келган. Шу билан бирга, унинг қайд этишича, Испания аҳолиси сони 40 миллиондан зиёддир. Боррелнинг қўшимча қилишича, Европага «кексалар қитъаси»га айланмаслик учун «янги қон» керак. У Европа аҳолисининг сони ўсишини туғилишлар миқдори орқали таъминлаш мумкинлигига шубҳа билдирди.