2 август куни неча нафар абитуриент тест синовларидан четлаштирилгани маълум қилинди

Республика олий таълим муассасаларига кириш тест синовларининг иккинчи куни - 2 августда бўлиб ўтди. 

Бош вазир ўринбосари Азиз Абдуҳакимовнинг маълум қилишича, тест синовларида 25та олий таълим муассасаларининг 63 та таълим йўналишида 57 минг 849 нафар абитуриент иштирок этди, турли сабабларга кўра 1219 нафар абитуриент тест синовларига келмаган.

Тест синовлари тартиб қоидаларини бузганлиги сабабли 486 нафар абитуриент, шундан 251 нафари ҳудудга кириш жойида уяли телефон, шпаргалкалар олиб киришга ва ўзгани ўрнига киришга уринганлиги учун, 235 нафари бино ичида шпаргалкадан фойдаланишга ва бошқа абитуриентларга ёрдам беришга уринганлиги учун тест синовларидан четлаштирилди.