«Рома» клуби Твиттерда «Барселона» ҳужумчиси Лионель Мессини ўз футболкасида тасвирлади.
«Рома» президенти Жеймс Паллотта «Барселона» клубининг собиқ тижорат директори Франческо Кальво билан шартнома имзоланганини изоҳлаб, Малкомнинг барбод бўлган трансфери учун каталонияликлардан ҳали ҳам хафа эканини маълум қилди.
«Кальво билан шартнома имзоладик, аммо бу ҳеч нарсани ўзгартирмайди. Бизга ҳамон Месси керак», — деди Паллотта.
Эслатиб ўтамиз, «Бордо» клубининг бразилиялик футболчиси Малком римликлар сафига ўтишга яқин эди. Аммо «Барселона» сўнгги паллада орага тушиб, Малком учун кўпроқ пул таклиф қилди ва якунда у билан шартнома имзолади. Шундан сўнг, Палотта ҳужумчи Лионель Мессини беришса, бу иши учун «Барселона»ни кечириши мумкинлигини айтган эди.
