Трампнинг ўғли таҳдидлар ва уйда «пайдо бўлган» оқ кукун ҳақида гапирди

АҚШ президенти Дональд Трампнинг ўғли Эрик Трампнинг Fox News телеканалига берган интервьюсида маълум қилишича, ўзи ва оиласига таҳдидлар бўлган. Трампнинг сўзлари The Hill газетаси томонидан келтирилди.

Кичик Трампнинг сўзларига кўра, унга ва оиласи барча аъзоларига таҳдидлар кузатилган. У Трампларга айнан ким таҳдид қилганига аниқлик киритмади, шунингдек, бу таҳдидлар ҳақида тафсилотларни ошкор қилмади. Шу билан бирга, унинг таъкидлашича, уларнинг уйида оқ кукун «пайдо бўлиб қолган».

«Бизнинг барчамизда уйда оқ кукун пайдо бўлиб қолганди», - дея айтиб ўтди Трамп.

Аввалроқ, Трампнинг келини оқ кукунли конверт туфайли касалхонага ётқизилгани хабар қилинган эди. Кейинчалик полиция кукунда шубҳали ҳеч нарса топмаганлигини хабар берди.