Трамп Ҳиллари Клинтоннинг ёзишмалари билан боғлиқ иш терговини қайтадан бошлаши мумкин

АҚШ президенти Дональд Трамп собиқ давлат котиби Ҳиллари Клинтоннинг ФТБ (Федерал тергов бюроси) томонидан тугатилган почта ёзишмалари билан боғлиқ можарони ҳуқуқ-тартибот органлари уни пухта ўрганмаган деган важ билан қайта бошлаши мумкинлигига шама қилди.

Ўзининг Twitter’даги аккаунтида Америка етакчиси Fox News телеканалидан иқтибос келтириб, ФТБ 675 мингта электрон хатдан фақат уч мингтасини ёки 1 фоиздан ҳам камроғини ўрганганини таъкидлаб ўтди. Трамп ФТБ Клинтон хонимнинг «жуда ёмон» ва ичида «сайловлар ҳақида ёлғон маълумотлар бўлган ўн минглаб» хатлари беэътибор қолдирилгани фактини «муҳим янгилик» деб атади.

«Аминманки, биз яқинда бу коррупциянинг моҳиятига етиб борамиз. Қайсидир лаҳзада балким мен ҳам қўшилишга мажбур бўларман», — деб ёзган Оқ уй раҳбари.

Жума куни Трамп бош прокурор Жефф Сеншсдан президентлик сайловларида қатнашган собиқ номзод, шунингдек, демократик партиянинг бошқа вакилларига нисбатан тергов-суриштирув ҳаракатларини бошлашни талаб этган эди. У шунингдек, Клинтон хоним содир этган жиноятчилари учун қамоқ жазосига лойиқ эканлигини ҳам таъкидлаган.

Июль ойида Трамп сенаторларни собиқ давлат котиби Ҳиллари Клинтон томонидан шахсий почта серверидан фойдаланганлик фактини суриштиришга чақирган эди.

Эслатиб ўтамиз, 2015 йилда АҚШда Ҳиллари Клинтон давлат котиби вазифасини бажариб юрган чоғларда шахсий электрон почтасидан хизмат мақсадларида фойдалангани учун можаро келиб чиққан эди. ФТБ тергов-суриштирув ҳаракатлари олиб бориб, Ҳиллари Клинтонга айблов эълон қилиш учун асос топа олмаганди.